Azərbaycanda Qadın Sahibkarlığının İnkişafı Assosiasiyası ilə tərəfdaşlıq çərçivəsində “Robotex Türkiyə” Azərbaycanda “Naxçıvan və Bakı Regional Yarışları”nın ilkin mentorluq təlimləri başa çatıb.
Dünyanın ən böyük Robot Texnologiyaları Festivalının Türkiyə tərəfdaşı olan “Robotex Türkiyə” 2024-cü ilin fevral ayından etibarən Naxçıvan və Bakı Regional Yarışmalarına start verəcək.
Məktəblərin açılışı ilə Azərbaycanda işlərini sürətləndirən “Robotex Türkiyə” müsabiqəyə qatılmağı düşünən təhsil müəssisələrinin nümayəndələri üçün mentorluq təlimi də təşkil edilib.
Təlimlər nəticəsində Azərbaycanda Qadın Sahibkarlığının İnkişafı Assosiasiyasının nümayəndəsi Günay Həsənli ADA universitetində assoasiasiyanın texnologiyanın inkişafında qadın sahibkarların rolunun artırılması ilə bağlı AQSİA tərəfindən görülən işlərlə bağlı çıxış edib.
Mentorluq təlimi Naxçıvan Dövlət Universiteti, Galata Universiteti, Qaziantep Universiteti, Manisa Cəlal Bayar Universiteti, Mustafa Kamal Universiteti, Həsən Kalyoncu Universiteti, Bilkent Universiteti, Bülent Ecevit Universiteti, On Dokuz May Universiteti, Milli Müdafiə Universiteti alimləri tərəfindən verilib.
İki gün davam edən təlimlərə ADA Universiteti, Bakı Ali Neft Məktəbi və Naxçıvan Dövlət Universiteti ev sahibliyi edib.
