![](https://siyasetinfo.az/wp-content/uploads/2023/01/tebessum-yarat-1-1024x683.jpg)
“Təbəssüm Yarat” könüllüləri Tovuzun Əsrikcırdaxan kəndinə səfər edib.
![](https://siyasetinfo.az/wp-content/uploads/2023/01/tebessum-yarat-6-1024x683.jpg)
Siyasətinfo xəbər verir ki, komanda Yeni il bayramı münasibətilə yardım kampaniyası təşkil edərək yüzdən artıq uşağı sevindirib.
![](https://siyasetinfo.az/wp-content/uploads/2023/01/tebessum-yarat-2-1024x683.jpg)
Yardımsevər insanlardan toplanan ianələrlə kənd məktəbində təhsil alan şagirdləri məktəbli çantası və qış geyimləri ilə təmin edib, bayram hədiyyələri təqdim ediblər.
![](https://siyasetinfo.az/wp-content/uploads/2023/01/tebessum-yarat-5-1024x683.jpg)
Xatırladaq ki, “Təbəssüm Yarat” kənd məktəblərinə yardım kampaniyasını ilk dəfə 2017-ci ilin aprel ayında təşkil edib. Kənd məktəblilərinə yardım kampaniyası 5 il ərzində Azərbaycanın müxtəlif ucqar rayonunda – Daşkəsən, Ağdam, Ağcabədi, Astara Quba, Lerik, Şəki və Tovuzda baş tutub. 20-yə yaxın könüllünün fəaliyyət göstərdiyi təşkilatın məqsədi yardımsevər insanlar tərəfindən gələn ianə hesabına ucqar dağ kəndində təhsil almağa çalışan şagirdlərin tədris həyatına dəstək vermək, onları sevindirmək, təhsilə və idmana maraq yaratmaqdır.
![](https://siyasetinfo.az/wp-content/uploads/2023/01/tebessum-yarat-3-1024x683.jpg)
Əgər siz də bu yardım kampaniyalarına dəstək olmaq istəyirsinizsə, “Təbəssüm yarat” komandasının sosial media hesablarına müraciət edə bilərsiniz.