2024-cü il sentyabrın 1-də Azərbaycan Respublikası Milli Məclisinə keçiriləcək növbədənkənar seçkilərin təbliğat-təşviqat mərhələsi çərçivəsində Yeni Azərbaycan Partiyası (YAP) tərəfindən 21 saylı Nəsimi-Binəqədi seçki dairəsindən deputatlığa namizədliyi irəli sürülmüş Məlahət İbrahimqızı YAP Nəsimi rayon təşkilatının qərargahında, eləcə də Hüseynbala Əliyev 3 və 5 ünvanında seçicilərlə görüş keçirib.
Görüşlərdə çıxış edən YAP Nəsimi rayon təşkilatının sədri Azər Süleymanov Yeni Azərbaycan Partiyasının parlament seçkilərinə “Yeni dövrə yeni Azərbaycanla!” şüarı ilə qatıldığını diqqətə çatdırıb. A.Süleymanov partiyanın hər daim bütün seçkilərə yüksək səviyyədə hazırlaşdığını vurğulayaraq, partiyamızın bu dəfə də möhtəşəm qələbə qazanacağına inamını ifadə edib.
Deputatlığa namizəd Məlahət İbrahimqızı isə ilk olaraq, Yeni Azərbaycan Partiyasının seçki platforması haqqında geniş məlumat verib. O, Ümummilli Lider Heydər Əliyev tərəfindən əsası qoyulmuş və bu gün Azərbaycan Prezidenti, Yeni Azərbaycan Partiyasının Sədri İlham Əliyev tərəfindən həyata keçirilən siyasətin uğurlarından danışıb. Məlahət İbrahimqızı yenidən deputat seçiləcəyi təqdirdə ona göstərilən inam və etimadı layiqincə doğrultmağa çalışacağına söz verib.
Parlament seçkilərində namizəd uğurlarımızın davamı naminə seçiciləri seçkilərdə YAP-ın namizədinə səs verməyə çağırıb.
Seçicilər də Yeni Azərbaycan Partiyasına olan etimadlarını ifadə edərək, öz səsvermə hüquqlarından istifadə edəcəklərini bildiriblər.
#XalqınXilaskarıVəXidmətkarıYAP#YeniAzərbaycanPartiyası
#Seçki2024#1Sentyabr2024#21SaylıSeçkiDairəsi#NəsimiBinəqədi
