Millət vəkili Tamam Cəfərova ADU-nun professoru, pedaqoq, tanınmış tərcüməşünas Qılıncxan Bayramovu 80 illik yubileyi münasibətilə iş yerində təbrik etdi.
Qılıncxan Bayramov uzun illərdir ADU-da pedaqoji fəaliyyətlə məşğuldur. Onun fəaliyyətinin yarım əsrdən çox dövrü Azərbaycan Dillər Universiteti ilə bağlıdır. Onun fədakar əməyi sayəsində tərcümə sahəsində elmi-pedaqoji kadrların hazırlanması istiqamətində ənənələr bu gün də uğurla davam etdirilir. Ali məktəblər üçün “Tərcümə sənəti” dərsliyinin də tərcümə sahəsində peşəkar kadrların hazırlanmasında böyük töhfəsi olmuşdur. Bununla yanaşı Q. Bayramov Azərbaycan İngilis dili Müəllimləri Assosiasiyasının ilk prezidenti olmuşdur. O,tərcüməşünas alim kimi bir çox elmi, siyasi əsərləri ingilis dilinə tərcümə edərək, onların dünyada tanınması istiqamətində mühüm işlər görmüşdür. Bu əsərlər içərisində “Heydər Əliyev . Azərbaycan nefti dünya siyasətində” 5 cildliyini, “İlham Əliyev . Qaçqınların və məcburi köçkünlərin rifahı naminə” 3 cildliyi ,”Azərbaycan Milli Təhlükəsizlik Orqanlarının Tarixi” kimi əsərlər tərcüməşünas alim kimi onun gərgin əməyinin nəticəsində ərsəyə gəlmişdi. Bunlarla yanaşı Azərbaycan ədəbiyyatına və incəsənətinə aid bir çox əsərləri də ingilis dilinə tərcümə etmişdir.
Millət vəkili Tamam Cəfərova professor Qılıncxan Bayramovu iş yerində ziyarət edərək, yubileyi münasibətilə təbrik edib. Yubilyar tərcümə əsərləri ilə millət vəkilini tanış edərkən,”Heydər Əliyev . Azərbaycan nefti dünya siyasətində” 5 cildliyinin ərsəyə gəlməsi ilə əlaqədar xatirələrini bölüşüb.
Daha sonra millət vəkili Tamam Cəfərova yubilyarı təbrik edib, ona yaradıcı fəaliyyətində can sağlığı arzulayıb.
